(((((((ရင်ဝှက်ပန်းကလေး ငိုနေတယ်)))))))

(((((((ရင်ဝှက်ပန်းကလေး ငိုနေတယ်)))))))

လူမိုက်ဆိုလျှင် ရှောင်သွေလွဲလို့

မမှီဝဲနဲ့ ကင်းအောင်နေ

ပညာရှိကိုအရှည်တွဲလို့

မှီဝဲဆည်းကပ် နည်းယူစေ

သုံးပါးရတနာ မိဘများနဲ့ ဆရာသမားကိုပူဇော်လေ

အဲဒါမှ ဗုဒ္ဓ၀ါဒ ကမ္ဘာ့ မင်္ဂလာတွေ။

          မောင်ဘာဘာစိန် ဆရာတော်ထံပါး ၀ပ်တွားလျှက် မင်္ဂလသုတ် အနက်အဓိပ္ပါယ်များကိုပြန်ဆိုရွတ်ပြ နေသည်။ ဆရာတော်ဘုရားက မိဘမဲ့ မောင်ဘာဘာစိန်
ကို ကျောင်းသင်ခန်းစာများအပြင် လိမ္မာရေးခြား ရှိအောင် ဘာသာရေး ဆုံးမစာများကိုပါ သင်ကြားပို့ချပေးနေသည်။

          စာသာ ရွတ်ဆိုနေပေမဲ့ ဘာဘာစိန့် မျက်လုံးများက မမနန်းကြာဖြူ လာမည့်လမ်းကို မျှော်နေမိသည်။ အဲဒီတုံးက မမနန်းကြာဖြူက ၁၀ တန်း ၊ မောင်ဘာဘာစိန်က ၅ တန်းပေါ့…။

ဟော.. လာနေကြပြီ သူတို့ သားအဖ နှစ်ယောက်..။ ဆွမ်းချိုင့်ကလေးကို ကိုင်ကာ ကျောင်းဝသို့ ရောက်လာကြပြီ။

          ` ဘာဘာရေ.. သွားဟေ့ ဆွမ်းချိုင့်ကို သွားကူသယ်လိုက်.. ´

          ဆရာတော် ဘုရားက သူတို့လာတိုင်း ပြောနေကျစကား။ မောင်ဘာဘာ အပြေးတစ်ပိုင်းလေးသွားကာ မမ နန်းကြာဖြူ လက်ထဲမှ ဆွမ်းချိုင့်ကို ဆီးကြိုယူလိုက်သည်။ ကျက်သရေတိုက်ခန်းထဲတွင် ဆွမ်းချိုင့်ကိုလှယ် နေစဉ် မမ ရောက်လာကာ ၀ိုင်းကူပေးသည်။

          ` မောင်လေး .. ´

          ` ဗျာ.. မမ… ´

          ` မောင်လေး .. စာတွေရရဲ့လား .. စာကိုကြိုးစားနော်.. ဘုန်းဘုန်းစကားကိုလဲ နားထောင်..  လိုအပ်တာရှိရင် လဲ မမ ကိုပြောနော်.. စာအုပ်တွေ ခဲတံတွေ.. မမ အိမ်မှာ အများကြီးပဲ.မောင်လေး ဘာမှ အားမငယ်နဲ့ အခက်အခဲမှန်သမျှ မမကိုပြောနော် .. ´

          ` ဟုတ် ကျေးဇူးပါ မမ.. ဆရာတော်က အားလုံး ပြည့်စုံအောင် ပေးပါတယ် ´

          နန်းကြာဖြူ အဖေက မီးရထားရုံပိုင် အရာရှိ။ ဘူတာရုံက ရွာထိပ် ဘုန်းကြီးကျောင်းနဲ့ နီးတော့ နန်းကြာဖြူတို့ က မကြာခဏ လာဖြစ်ကြသည်။ လာတိုင်းလည်း နန်းကြာဖြူက မိဘမဲ့ မောင်ဘာဘာ့ကို နှစ်သိမ့်အားပေးသည်။ မောင်ဘာဘာ မှာ မွေးကင်းစအရွယ် အနှီးလေးပတ်ကာ မီးရထားသံလမ်းဘေး ချုံပေါ်ဝယ် ပစ်ထားခံရစဉ် ရွာသား တစ်ယောက်က တွ့ကာ ဆရာတော်ကိုလျှောက်ထားသည်။့  ဆရာတော်က ဦးသူတော်ကြီးကို နို့ဗူးတိုက်ခိုင်းကာ မောင်ဘာဘာ့ကို မွေးစားခိုင်းသည်။ မိဘဆွေမျိုးသားချင်း ဘာဆိုဘာမှ မသိရသည့် ကလေးတစ်ယောက်မှ စိန်တစ်ပွင့်လို ထွန်းလင်းတောက်ပ စေလိုသည့် သဘောဖြင့် ဆရာတော်က မောင်ဘာဘာစိန် ဟုအမည်ပေးခဲ့သည်။ ကျာင်းနေအရွယ်ရောက်ပြန်တော့လည်း အတန်းကျောင်းစာပေ ထို့နောက် ကျောင်းအားချိန်များတွင်လည်း ဘာသာရေးစာပေများကို သင်ကြား ပေးခဲ့သည်။

          ` ကဲ မမ ပြန်တော့မယ်.. မောင်လေး လိုက်မပို့နဲ့တော့..နော်..´

          ` လိုက်ပို့မယ်လေ မမ.. ခွေးတွေကို မမ ကြောက်တယ်ဆို.. ´

          ` ခွေးတွေက ယဉ်သွားပြီလေ.. မဟောင်တော့ပါဘူး။ ´

          ` လိုက်ပို့မယ်လေ.. မမ .. ဒါလေးများ အပန်းကြီးတာမှတ်လို့. .´

          ဒါက အစ်မ နန်းကြာဖြူတို့လာတိုင်း မောင်ဘာဘာ လုပ်ပေးနေကျ အလုပ်တစ်ခုပေါ့..။ မိဘမေတ္တာ ငတ်နေရှာသော မောင်ဘာဘာ မှာချစ်ကြောက်ရိုသေ ဖြစ်နေရသော ဆရာတော်ဘုရားမှ လွဲလျှင် ကြင်နာယုယမှု ပေးစွမ်းလာသော နန်းကြာဖြူကို တစ်ကယ်ပင် သံယောဇဉ် ဖြစ်လာရှာပါတော့သည်။ ကျောင်းပေါက်ရောက်တော့ မမက မောင်ဘာဘာအတွက် နှုတ်ဆက်အပြုံးလေး ပေးနေကျ.. ။

လုလင်ငယ်သွေး အတွေးမကြွယ်

ကလေးရွယ်မှ ဖြစ်သမျှယှဉ်

သံယောဇဉ်ကို မောင်ဘယ်လိုမျိုး

ရင်မှာပျိုးလို့ ချစ်နိုးငဲ့ညှာ

ထင်မိရှာခဲ့ မေတ္တာရိပ်ဖုံး

မောင့်နှလုံးသား ခပ်နှိပ်ထားသည့်

နန်းကြာရုပ်သွင် သံယောဇဉ်ကို

တွယ်ငင်နှောင်ကြိုး တိုးလို့ချည်နှောင်

ရင်ပူလောင်လည်း တစ်ကိုယ်ထဲဝယ်

ချစ်သည်းလှိုက်ဖို  ကြည်နူးပိုခဲ့။

*        *        *        *        *        *        *        *        *

          ` မောင်လေး .. ဒီမှာလေ.. မမ ငယ်ငယ်က သုံးခဲ့တဲ့ လွယ်အိတ်လေး.. လှတယ်နော်.. မောင်လေးဖို့ မ ယူလာတာ.. အသစ်ကလေးနော်.. အဟောင်းမဟုတ်ဘူး … ´
          ` ဟောင်း.. ဟောင်း .. သစ်သစ် မမရယ်.. မမ မြတ်နိုးလို့ ပေးတာပဲ.. မောင်လေးကြိုက်ပါတယ်..
          ` အော်.. ဒါနဲ့ မောင်လေး.. မမတို့လေ.. ရှေ့တစ်ပတ်ထဲမှာ မန္တလေးကို ပြောင်းရတော့မယ်.. ဖေဖေက အဲလိုပဲ သုံးလေးနှစ် တစ်ခါ ပြောင်းနေရတာ.. မောင်လေး.. လိုအပ်တာရှိရင် မမကိုပြော.. နော်.. မမ မပြန်ခင် အားလုံး ၀ယ်ပေးခဲ့မယ်… ´
မောင်ဘာဘာ့ရင်ထဲ ဘယ်လိုမှ မျှော်လင့်မထားတဲ့စကားက ၀င်ရောက်လာသည်။   မောင်လေးလိုချင်တာ မမရဲ့ အကြင်နာ မေတ္တာတွေလေ မမရဲ့..လို့ .. စိတ်ထဲကသာ ပြောနေမိပါသည်။
          မောင်ဘာဘာ့ မျက်ဝန်းထဲမှာ မျက်ရည်များ ရီဝေလာတော့ အပြင်လျှံထွက်ကျမလာခင် ခေါင်းကိုငုံ့ကာ မမပေးတဲ့ လွယ်အိတ်လေးကို အကြောင်းမဲ့ ဆုတ်ချေနေမိသည်။
          မမ..ရယ်.. ဘာဘာ ဘာပြန်ပြောရမလဲ.. ကံမကုန်သေးတဲ့ တစ်နေ့ ပြန်ဆုံပါရစေလို့ပဲ ဆုတောင်းနေရမှာပေါ့။ တစ်ကယ်တန်းပြောထွက်လိုက်ရတဲ့ စကားကတော့
          ` မလိုပါဘူးမမရယ်.. ကျွန်တော့်ကို ဘုန်းဘုန်းက လိုတာမှန်သမျှ ၀ယ်ပေးပါတယ်.. ´
          `မောင်လေး .. အစ်မတို့ နောင်တစ်ချိန် ရေစက်မကုန်သေးရင် ပြန်ဆုံကြမယ်နော်… မမလေ.. မောင်လေးကို အမြဲသတိရနေမယ် သိလား… ´
          ` ဟုတ်ကဲ့ပါ.. မမ ရယ်… ´
          မောင်ဘာဘာ့ မျက်ဝန်းမှ မျက်ရည်များ မမပေးခဲ့တဲ့လွယ်အိတ်လေးပေါ် ပြုတ်ကျကုန်ခဲ့သည်။ မမများမြင်သွားလေမလား ။
          `မငိုပါနဲ့မောင်လေးရယ်.. လူ့ဘ၀ဆိုတာ ဒီလိုပဲ.. ဘယ်လောက်အနေဝေးဝေး တို့မောင်နှမ နှစ်ယောက် ချစ်ကြရင် နီးနီးလေးပါပဲ.. မမကိုချစ်ရင် စာကြိုးစားနော်.. လူကောင်းလူတော်တစ်ယောက် ဖြစ်အောင်ကြိုးစား.. နော်မောင်လေး… ´
          မမကို မော့ကြည့်လိုက်တော့ မမမျက်ဝန်းမှာလဲ မျက်ရည်တွေဝေ့လို့ပေါ့ ။ ကျွန်တော် မကြည့်ရက်တော့ဘူးမမရယ်.. ။

ကြင်နာတွေပေး ခလေးလေးသွင်

ဖြူဖြူစင်စင်  ချစ်ခဲ့ထင်ရဲ့

ကြမ္မာလှည့်စား လှောင်ရက်အားတော့

ငါ့အားထားကာ သူထွက်ခွာနှင့်

မမျှော်လင့်ပဲ မချင့်ရဲသာ

တွေးမိပါတိုင် ချစ်သည်းဆိုင်ဝယ်

ဆုံနိုင်မဲ့ရက် ဒီတစ်သက်မှာ

ရှိပါရစေ စောင့်မျှော်နေခဲ့။

*        *        *        *        *        *        *        *        *

          မမကြာဖြူကို ခေါ်ဆောင်သွားသည့် မီးရထားတွဲကြီး နောက်ကို မောင်ဘာဘာ ပြေးလိုက်နေမိသည်။ မမကြာဖြူက ရထားပေါ်မှ လက်လေးကို ဝှေ့ရမ်းပြရင်း နှုတ်ဆက်နေသည်။ မောင်ဘာဘာမောဟိုက်ပြီး ရထား ကြီးလည်း မျက်စိထဲမှ ပျောက်ကွယ်သွားတော့မှ ဘုန်းကြီးကျောင်းကို တစ်လှမ်းချင်း လေးတွဲ့စွာဖြင့် ပြန်လာခဲ့တော့သည်။ ထိုနေ့မှ စပြီး နန်းကြာဖြူတစ်ယောက် ဘာဘာ့ပတ်ဝန်းကျင် မှ ထွက်ခွာသွားခဲ့သည်။
          အလယ်တန်း ကျောင်းသားဘ၀ ကျောင်းစာကိုသာ အဖော်ပြုရင်း ဆရာတော်၏ ဆိုဆုံးမမှု များအောက်ဝယ် မောင်ဘာဘာတစ်ယောက် စာကို သာ တစ်စိုက်မတ်မတ် ကြိုးစားသင်ယူခဲ့ပါသည်။ စိတ်ဓါတ်ကျနေချိန်များဝယ် ဘာ့ဘာ့ ရင်ထဲက နန်းကြာဖြူမှာ ဘာဘာ့ အတွက် ခွန်အားတစ်ရပ်ဖြစ်စေခဲ့ပါသည်။ မမနန်းကြာဖြူကိုတော့ မောင်ဘာဘာ တစ်ရက်မှ မေ့မရခဲ့ပါ။

အဖော်ပြုကာ ဝေဒနာကို

စိတ်မှာမြိုသိပ် ဇွတ်ကြိတ်မှိတ်ကာ

အတိတ်ကိုချန် စိတ်ကိုပြန်၍

ကြံဖန်အားပေး နေခဲ့သေး၏

အချိန်ရှိတိုင်း စိတ်ကူးတိုင်းမှာ

မ ပုံရိပ်သာ ထင်ဟပ်နေဆဲ….။

*        *        *        *        *        *        *        *        *

          ` ဘာဘာရေ.. ဒီခဏလာဦး မင်းကို ဘုန်းဘုန်း တစ်ခုပြောမယ်..´
          ` တင်ပါ့ ဘုရား တပည့်တော်.. ဘုန်းဘုန်းစကား အမြဲ နာခံလျှက်ပါ ´
          ` အိမ်း.. မင်းလိမ္မာမှန်း ငါသိသကွဲ့ သို့ပေမဲ့လည်း .. ခုဟာက ၁၀ တန်းဆိုတော့ အရေးကြီးတယ်လေ.. သတိကလေး တစ်ချက်လွတ်သွားလို့ ပညာရေးကိုများ ထိခိုက်ခဲ့ရင် ဘုန်းဘုန်းရဲ့ မင်းအပေါ်ထားတဲ့ မျှော်လင့်ချက် ပျက်သွားမှာ စို့လို့ကွယ့်… ´
          ` စိတ်ချပါ ဘုန်းဘုန်း.. တပည့်တော်ကို ကျွေးမွေးပြုစု စောင့်ရှောက်လာခဲ့တဲ့ ဒီရွာကို တပည့်တော် သေတပန် သက်တဆုံး ပြန်လည်အကျိုးပြုသွားမှာပါဘုရား.. ´
          ` အေး.. သာဓု.. သာဓု.. သာဓု.. ´
          မောင်ဘာဘာ စာတော်တော့ ဆရာ ဆရာမတွေကလည်း ချစ်ကြသည်။ အတန်းသူအတန်းသားတွေကလည်း ခင်မင်ကြသည်။ သူငယ်ချင်းတွေ ရင်ခုန်နေကြချိန်. မောင်ဘာဘာမှာတော့ နှလုံးသားထဲက မရဲ့ ပုံရိပ်လေးကိုသာ အဖော်ပြုရင်း ဆရာတော့် ဆုံးမစကားများကိုသာ ပြန်လည်ကြားယောင်နေမိတော့သည်။
          ` ဘာဘာ ..လာစမ်းပါကွာ.. မင်းက အချိန်ရှိတိုင်း ဒီခုံမှာပဲထိုင်ပြီး ငိုင်နေတာ.. ပျင်းစရာကြီးကွာ .. လာ (ဘီ)ခန်း ဘက်မှာ အမိုက်စားလေးတွေ များတယ်ဟ ခဏလောက်သွား ၀ိုက်ကြည့်ရအောင်.. ´
          `တော်ပါပြီ သူငယ်ချင်းရာ .. ငါ့ရင်ထဲမှာလေ .. ငါ့ရဲ့ မမ ကလွဲလို့ ဘယ်သူ့မှကို နေရာမပေးချင်ဘူးကွာ .. ´
          ` တောက်.. မှားပါတယ်ကွာ.. လာပြန်ပြီ ဒီမမ.. ငါကိုက စမိတာပါ.. ဒီပါးစပ်ကိုက အမှတ်မရှိလို့ ပြောမိတာဟေ့.. ပြောမိတာဟ … ။  မောင်ဘာဘာရဲ့ မမရေ.. ဒီမှာ လာကြည့်ပါဦးဗျ… ´
          သူငယ်ချင်း ချစ်ဦးက အသံဗြဲကြီးဖြင့် အော်ဟစ်ရင်း ဘာဘာ့ အနားမှ ထသွားတော့သည်။ 
          ဘာဘာသူတို့လိုနေလို့ မဖြစ် ဆရာတော်ဘုရား မှာထားတဲ့စကားတွေက ရှိသေး။ နောက်ပြီး တက္ကသိုလ် ရောက်ရင်တော့ ငယ်က ချစ်ခဲ့ရတဲ့ မ ကို ပြန်လည်တွေ့တန်ကောင်းပါရဲ့.. ။ အိပ်ရာဝင် စိတ်ကူးယဉ် ပုံရိပ်တွေက တော့ ထပ်လို့နေပေပြီ။ သူက ကျောင်းဆရာ .. မမ နန်းကြာဖြူက ဆရာမကြီးလား ဒေါက်တာမကြီးလား .. ။ ဘယ်လိုပဲ နေနေပေါ့ နှစ်ယောက် အတူပေါင်းကာ ရွာကို အကျိုးပြုလို့…. ။
          အင်း ဘာပဲဖြစ်ဖြစ်လေ.. ငါ့အခြေအနေဟာ ခုချိန်မှာ စာကို အရမ်းကြိုးစားမှ.. ဒါမှ ငါနဲ့ ငါ့မမ အတွက်.. အင်း.. ဟုတ်သေးဘူး.. ငါ့ရွာအတွက် ငါ့ဆရာ ဘုန်းဘုန်းအတွက် .. ဘယ်လိုပဲဖြစ်ဖြစ်.. ငါတက္ကသိုလ် တက်ဖြစ် ခဲ့ရင် ဝေးကွာသွားခဲ့ရတဲ့ မနဲ့ ဆုံနိုင်ဖို့အရေး မျှော်လင့်ချက်လေး ရေးရေးတော့ ရှိနေပါသေးရဲ့…။

အရွယ်ရောက်လာ ဆယ်တန်းမှာပေါ့

ဘာဘာ့အသည်း  ငြိလာစွဲမဲ့

ချစ်ပွဲဝင်ခန်း အသည်းပန်းရှင်

ထိုထိုအင်တို့ သွင်ပြင်ထူးပေ

လှလွန်းချေလည်း မောင့်ရွှေရင်မှ

ချစ်သည်းမြညှာ မ နေရာကို

ဖယ်ကာမပေး မောင်ပိုက်ထွေးကာ

စောင့်ခဲ့ပါသည် .. နန်းမြကြာဖြူ သိစေသောဝ်…။

လွန်စွာချစ်ခင် မိတ်ဆွေရှင်ပေါင်း

ရောင်းရင်းများက  ပြောခဲ့ကြသည်

မင်းရဲ့ ဖြစ်အင်  မြင်စေ့ချင်သည်

မြို့သူမမ လှမ်းခဲ့ပါ့ ။

မမအကြောင်း စိတ်ကူးကောင်းလေး

သောင်းပြောင်တွေးကာ  အိပ်လို့သာပ

တက္ကသိုလ်ဆက် မြို့ကိုတက်မှ

မရဲ့ငွေ့သက် ပိုနီးလျှက်ကယ်

မပျက်လုံလ  ကြိုးစားမှ… ။

*        *        *        *        *        *        *        *        *

          ရင်ခုန်ခြင်းတေးသံများကို ဝေးဝေး ရှောင်ရင်း တစ်နှစ်တာကာလအား စာကို တစိုက်မတ်မတ် ကျက်မှတ် ကြိုးစားကာဖြတ်ကျော်လာရင်း မောင်ဘာဘာတစ်ယောက် ၁၀တန်း ကို သုံးဘာသာဂုဏ်ထူးဖြင့် အောင်မြင်လာခဲ့ရသည်။
          ဆယ်တန်းကို နှစ်ချင်းပေါက်အောင်တော့ ဆရာတော်က တက္ကသိုလ် ဆက်တက်စေခဲ့ပါသည်။ စာတော် သော မောင်ဘာ့ဘာ့ ကို ရပ်ရွာကလဲ ချစ်ခင်ကြသည်။ ရွာကစေတနာရှင် အားလုံးဝိုင်းဝန်း ထောက်ပံ့မှုဖြင့် မောင်ဘာဘာ ပညာရေးတက္ကသိုလ် သို့ တက်ရောက်ခဲ့ရပါသည်။ တက္ကသိုလ်တွင်လည်း စာတော်သော ဘာဘာ့မှာ ချစ်ခင်သော အပေါင်းအသင်းများ မရှား။ ရိုးရိုးလေးတွေရော ဆန်းဆန်းလေးတွေပါ ခင်ကြတာပေါ့.. ။ သို့ပေမဲ့လေ.. ဘာဘာ့ အသည်းနှလုံးထဲမှာရှိနေတာကလေ.. မမ ပဲ ပေါ့… ။
          ` ဘာဘာ.. ငါခေါ်နေတာ ကြားရဲ့လား.. ´
          `အော်.. အင်းကြားပါတယ်ဟ.. ´
          ` မသိပါဘူး ငါက ငုတ်တုတ်ကြီးများ မေ့နေသလားလို့ပါ.. ´
          ` မဟုတ်ပါဘူးဟာ.. ရွာကို စိတ်ရောက်နေလို့ပါ.. ဘာလဲ ပြော.. ´
          ` မနေ့က စာတမ်းငယ်ရေးခိုင်းတာလေ.. ပြီးပြီလား.. ´
          ` အော်.. အေး.. ပြီးပြီဟ.. ပေးမလို့ပဲ.. ဒီမှာ.. ´
          ` ဟင်း… ငါ မပြောလိုက်ချင်တော့ဘူး … ´
          မြတ်နိုး တစ်ယောက် ဘာဘာ့လက်ထဲမှ စာအုပ်ကို မကျေမနပ်နှင့် ဆောင့်အောင့် ဆွဲယူကာ ထွက်သွားသည်။ သူငယ်ချင်း ချစ်အောင်က ပြောသည်။
          ` ဘာဘာ.. မိန်းကလေးဆိုတာ ဒီလောက်ပဲ နော်.. သူ့တာဝန်ကုန်ပြီ..  သူကိုယ်တိုင်လဲ စာတော်သူ တစ်ယောက် .. မင်းကို ဒီစာတမ်းငယ်လေး ရေးခိုင်းတာ ဘာဖြစ်လို့လဲ သိလား.. ´
          ` ငါ မသိပါရစေနဲ့ကွာ.. ငါ့ဘ၀ ဟာ မင်းတို့ ဘ၀နဲ့ မတူပါဘူး.. ငါ..   .. ´
          ` တော်ပါတော့ကွာ .. ငါက ဘုန်းကြီးက ကျောင်းထားပေးထားတဲ့ ကျောင်းသား.. ငါ့ကို ငါ မပိုင်ဘူး..  ဒါပဲပြောဦးမလို့လား.. ခုဟာက နှလုံးသားကိစ္စ ပါကွာ မင်းနှလုံးသားကိုတော့ မင်းကိုယ်တိုင် ပိုင်ပါတယ်.. အကုန်လုံး ကိုရောထွေး မပစ်ပါနဲ့.. ´
          ` ငါ့ နှလုံးသားကိုလဲ ပိုင်ဆိုင်တဲ့သူ ရှိနေပါပြီကွာ.. ´
          ` တော်စမ်းပါကွာ...ငယ်ငယ်က အရူးထခဲ့တာတွေ..စိတ်ကူးယဉ်မနေနဲ့ ဟိုကဖြင့်ဘယ်မှန်းတောင်မသိဘူး.. ´
          ` သူငယ်ချင်းရာ ငါ့နှလုံးသားထဲက မ ရဲ့ ပုံရိပ်တွေကို ငါဒီအတိုင်းလေးပဲ ထားပါရစေကွာ.. ´
          `ထား ထား.. ဘိုးဘွားရိပ်သာ ရောက်တဲ့အထိ ထား .. ´
          ` ဟူးးးးးးးးးး .. တော်ပါပြီကွာ .. စာကြည့်တာပဲ ကောင်းပါတယ်.. ´

ဖြူနီပြာဝါ အရောင်ဖြာလို့

ဝေဆာစိမ်းစို တက္ကသိုလ်မှာ

ဘယ်လိုလှစေ ယဉ်နေပေလည်း

အသည်းထဲမှာ မကိုခွာပြီး

နေရာပြောင်းလဲ မထားရဲမူ

ခင်မင်သူပေါင်း ပုံပြောင်းမသွား

နှလုံးသားကို နားလည်လို့ပေး

အတွေးပုံရိပ် ဟိုအတိတ်လာ

မ မျက်နှာပဲ  ရှိပါစေတော့

ရှိစေတော့။

*        *        *        *        *        *        *        *        *

          ဧည့်သည်လာတယ်ဆိုတော့ မကြုံစဖူးဖို့ မောင်ဘာဘာထွက်ကြည့်မိသည်။ ရွာကဆရာတော် နေမှ ကောင်းပါလေစ.. ဟု စိုးတထိတ်ထိတ်တွေးရင် မောင်ဘာဘာ အဆောင်ဧည့်ခန်းသို့ ထွက်လာခဲ့သည်။
`မောင်လေး´
` ဗျာ … ဟာ ….. ´
` အနှစ်နှစ် အလလ ရင်မှာ ပဲ့တင်ထပ်နေခဲ့သော အသံ။ဘာဘာ မျှော်လင့်နေသည့်  ကြားချင်လှသော အသံ ၊ တစ်သက်လုံး မှတ်မိနေသည့် အသံလေး။။။ ´
` ဟာ.. မ မ.. မမကြာဖြူ နော်.. ´
 ` ဟယ်.. မောင်လေးက မမကို ခုထိ မှတ်မိတုံးနော်.. ကြည့်စမ်းပါဦး လူက ချောလို့ လှလို့ လူပျိုကြီး ဖားဖားတောင် ဖြစ်နေပါလား … ´
` မှတ်မိတာပေါ့ မမ ရာ.. မ မ ခဏနော်.. ´
          မောင်ဘာဘာ အခန်းထဲ ပြေးဝင်ကာ မမ နန်းကြာဖြူ နောက်ဆုံးသူ့ကို ပေးခဲ့သည့် လွယ်အိတ်လေးကို ထုတ်ယူလာ သည်။
          ` မ မ.. ဒီမှာ  ကျွန်တော်လေ.. မမ ကို သတိရတိုင်း ဒီလွယ်အိတ်ကလေးကို ထုတ်ထုတ်ကြည့်နေတာဗျ.. ´
 မမ မျက်နှာမှာ တစ်စုံတစ်ခု ပြောင်းလဲသွားမှန်းတော့ သိလိုက်ရသည်။
` မောင်လေးကလဲ.. ခလေးကျနေတာပဲ.. ´
          မောင်ဘာဘာလည်း ပြောပြီးမှ ရှက်နေမိသည်။
          `ကျွန်တော့်နှလုံးသားဟာ ခုချိန်ထိ ခလေးလေးတုံးက အတိုင်းပဲ ၊ ပုံဖော်ကြည့်လို့ရမယ်ဆိုရင် မမရဲ့ပုံရိပ်ကလေး ခုထိ ရှိနေတုံးပါပဲ မမ.. ရယ်..´ လို့ ပြောမလို့ စဉ်းစားနေဆဲ ..
          မမက စကားကို ဖြတ်ပြောသည်။
          `မမလေ.. အရင်တစ်ပတ်က မောင်လေးတို့ရွာကို ရောက်သေးတယ်.. ဘုန်ကြီးကျောင်းကို ကထိန်လာခင်း တာလေ.. အဲဒါ ဆရာတော်က ဒီမှာ မင်းကျောင်းတက်နေတယ် ပြောတယ်.. လိုအပ်တာ ကူညီပေးပါဆိုလို့.. ´
` ရပါတယ် မမ ရယ် ပြည့်စုံပါတယ်.. ´
`မောင်လေး ဆယ်တန်းကို ထူးထူးချွန်ချွန်နဲ့ အောင်မြင်တာ ဆရာတော်ဘုရားက ပြောပြတယ်.. ၊ခုလဲ မောင်လေးက ငယ်ငယ်က အတိုင်းပဲ လိမ်မာတယ်တဲ့..  ဒီတော့ မောင်လေး ပြော.. ခုဘာလိုလဲ.. အားလုံးကို ဖြစ်စေရမယ်.. နော်မောင်လေး … ´
          မမရှိနေရင် ဘာဘာ့အတွက် ဘာကိုမှ မလိုတော့တာ အမှန်ပါ မမရယ် .. လို့ ရင်ထဲကတော့ ပြောနေမိသည်။
` ကျောင်းပိတ်ရက်မှာ မမ အိမ်ကို လာခဲ့နော်.. ဒီမှာ လိပ်စာကတ်.. ´
မမပေးလိုက်သည့် ကတ်လေးကို တရိုတသေ လှမ်းယူထားလိုက်သည်။ မိုဘိုင်းဖုန်းနံပါတ်တွေတောင် ပါလိုက်သေးရဲ့။
          ` မမ အခု .. ဘာတွေလုပ်နေလဲ ဟင်.. ´
          ` မောင်လေး လာခဲ့လေ.. အဲဒီကျတော့မှ အေးအေး ဆေးဆေး ပြောကြတာပေါ့ ´
       မမ ပြန်သွားတော့လေ ဘာဘာ့ရင်ထဲမှာ မျှော်လင့်ချက်တွေ အားလုံး ပြန်လည် အသက်ဝင်လာပြီပေါ့.. ။ စိတ်ကူးနေမိ တာလား အိပ်မက်နေတာလားပင် မခွဲတတ်တော့။ အတွေးပုံရိပ်ထဲမှာတော့ မရဲ့ မျက်နှာလေးတွေက လွမ်းမိုးလို့… ။
          ဒါပေမဲ့မရယ်.. ကြည့်ရတာ မက သူဌေးတစ်ယောက်လိုပါပဲနော်.. ဘာဘာ စိတ်အားငယ်လိုက်တာမမရယ်.. ။
မမ ဘာဘာ့ကို အရင်လို သံယောဇဉ်မှ ရှိပါလေစ… ။ မနက်ဖြန်အရေးတွေးကာ တစ်မှေးမှကို အိပ်လို့မပျော်ခဲ့ပါလား မမရယ်.. ။ မောင်လေးလေ .. မမကို အဲလောက်ထိကို စွဲလန်း နေခဲ့တာနော်.. မမ ။

ကြမ္မာတစ်ကွေ့ တွေ့ကြပြန်ရာ

ဝမ်းသားခြင်းပေါင်း ရင်မှာလောင်းလို့

ချိုသာမျက်နှာ မ ရုပ်လွှာက

ဟိုစဉ်အတိုင်း လှမြဲတိုင်းသာ

လှနေပါတယ်  ချမ်းသာကြွယ်ဝ

ဂုဏ်ဓနမြောက်  ရှိန်ဝါအောက်ဝယ်

စိတ်အားငယ်မိ ရှိပါဘိ။

အကြောင်းစုံမေး .. ကလေးမှတည့်

ယခုထိတိုင် ရယ်မောလှိုင်ရင်း

ရင်ခုန်ခြင်းတေး  ရှက်ဖြာသွေးလျှက်

လွန်ရောယှက်ပြန် မနက်ဖြန်ခါ

သွားလည်လာရေး  မှေးလို့တွေးကာ

စိတ်ကူးဖြာရင်း မိုးလင်းခဲ့ရ

သည်တစ်ည။

*        *        *        *        *        *        *        *        *

          မမ ပေးခဲ့တဲ့ လိပ်စာကတ်အတိုင်းဆိုရင်တော့ ရှေ့က ခြံကြီးဟာ မမ ရဲ့ ခြံကြီးပေါ့ ။ ခေါ်မလို့ လှမ်းကြည့်နေတုံး .. ကားဟွန်းသံကြားလို့ လှည့်ကြည့်လိုက်တော့ မမ ကားပေါ်က ဆင်းလာတာတွေ့လိုက်ရတယ်။
` လာ.. မောင်လေး .. အထဲဝင် .. မမလဲ ခုမှ ဈေးဝယ်ပြန်လာတာလေ..အချိန်ံကိုက်ပဲ.. အေးအေးဆေးဆေး စားသောက်ပြီးမှ ပြန်ပေါ့ .. ´
          ခြံတံခါးဖွင့်ပြီး မမက ကားကို မောင်းဝင်သွားသည်။ ကားပေါ်ကဆင်းတော့  အိမ်ထဲက ပြေး ထွက်လာတဲ့ ခလေးငယ်လေးကို မ က ဆီးလို့ ပွေ့ကြိုလိုက် တယ်.. ။ နောက်ပြီး တော့….
          ` သားလေး .. မေမေ့ကို စောင့်နေတာ ကြာပြီလား´  တဲ့… ။
          ` ဟာ … ´
 နှုတ်မှ ထွက်မသွားအောင် မနည်းဘရိတ်အုတ်လိုက်ရသည်။
          `မောင်လေး… ဒီမှာ မမ သားလေး လေ.. မမနဲ့ တူလား.. ဟင်.. ´
 မမလက်ထဲက ခလေးလေးကို လက်ဆင့်ကမ်းပွေ့ယူချီရင်း .. ခုန်နေတဲ့ရင်ကို မနည်းငြိမ်အောင် ထိန်းနေရသည်။
          ` လှတာပေါ့ဗျာ .. မမ အတိုင်းပဲ နော်.. ´
          ` လာမောင်လေး .. တိုက်ထဲ ၀င် .. ရောက်တုံး အေးအေးဆေးဆေးပေါ့ .. ´
          မောင်ဘာဘာတစ်ယောက် ဘာစကားကို ဘယ်လိုစပြောရမှန်းကို မသိတော့ပါ။ မမရဲ့ သားလေးကို ပွေ့ချီထားရင်း တဖက်သတ်ထားခဲ့တဲ့ သံယောဇဉ်တွေကို အတင်းပြန်မျိုချနေရသည်။
          ` မမ အမျိုးသားကလေ ကုမ္ပဏီမှာဆိုတော့ နားရက်မရှိဘူးမောင်လေးရဲ့ ။ ခဏနေဆို ရောက်လာတော့ မှာ.. ထမင်းအတူစားကြတာပေါ့..´
          ` အော်.. ဟုတ်ကဲ့ .. ´
          ` မောင်လေး.. အဆောင်မှာ နေရေးထိုင်ရေး အဆင်မပြေရင် မမ ဆီကနေ ကျောင်းလာတက်လေ .. မမ အမျိုးသားကိုလည်း မောင်လေး အကြောင်း ပြောပြောပြဖူးတော့ သိနေတယ်လေ.. မောင်လေးကိုမြင်ရင် သူလဲ ခင်မှာပါ .. ´
          ဖြစ်နိုင်ရင် ဒီတိုက်ကြီးထဲကနေ .. ကိုယ်ဖျောက်ပြီး ထွက်ပြေးလိုက်ချင်ပါရဲ့ .. ရှက်လိုက်တာ မမရယ်.. ကိုယ့်စိတ် ကိုယ် ကိုယ်ပြန်ရှက်တာပါ.. ။
          ` မောင်လေး ကျောင်းပြီးရင်လည်း ကွန်ပျူတာသင်တန်းတွေတက်  မမတို့ ကုမ္ပဏီမှာ အလုပ်လုပ်ရဖို့ မမ တာဝန်ယူတယ် .. ´
          ` ဟင်းးးးးးးးး … မဖြစ်ပါဘူး မမရယ်.. မောင်လေးဘွဲ့က ပညာရေးဘွဲ့လေ မမရဲ့ .. ရွာကိုပြန်ပြီး ကျောင်းဆရာ လုပ်ရမှာ .. ဆရာတော်နဲ့ ရွာကို ပြန်အကျိုးပြုရဦးမယ် မမ ရဲ့ .. ´
          ` အင်း… မောင်လေးစိတ်ဓါတ်ကတော့ လေးစားစရာပါပဲ.. ဆရာတော်လည်း မောင်လေးကို မွေးစားရကျိုး နပ်ပါတယ်.. မောင်လေး သားလေးနဲ့ ခဏ နေဦးနော်.. မမ ဟင်းချက်လိုက်ဦးမယ်… ´
          ခဏကြာတော့ မ မ အမျိုးသားပြန်ရောက်လာသည်။ မောင်ဘာဘာ့ကို လှိုက်လှဲ ဖော်ရွေစွာ နှုတ်ဆက် ပါသည်။ မမ နဲ့ရွယ်တူလောက် ဖြစ်မည်ထင်ပါသည်။
          ` ညီလေး.. အစ်ကို့ကိုလည်း မင်းအစ်ကို အရင်းလို သဘောထားနော်.. လိုတာရှိလည်း အကူအညီတောင်း ဘာမှ အားမနာရဘူး သိလား.. ´
          ` ဟုတ်ကဲ့ .. အစ်ကို ´
          `မင်း မမ ကတော့ကွာ မင်းကို အရမ်းကို ချစ်တာပဲကွ.. သိလား.. စကားစပ်မိပြီဆိုရင် မင်းအကြောင်းကို လေ ပြောလို့ကို မပြီးတော့ဘူး… မင်းသိပ်လိမ်မာတယ်. ဆိုတဲ့အကြောင်းပေါ့ .. ´
          ` ဒီလောက်လဲ မဟုတ်ပါဘူး အစ်ကိုရာ.. ´
          ` လာ .. လာ .. ထမင်းစားရအောင်.. ပြီးမှ အေးအေးဆေးဆေး စကားပြောတာပေါ့ .. ´
          သူတို့တွေ လှိုက်လှဲ ပျူငှာ ဖော်ရွေစွာ ပြောနေပေမဲ့ အနေခက်နေတာကတော့ မောင်ဘာဘာ တစ်ယောက် တည်းပါ။ မောင်ဘာဘာ့ နှလုံးသားထဲက ပန်းပွင့်လေး ငိုနေတာကိုတော့ ဘယ်သူမှ သိလိုက်ကြမှာ မဟုတ်ပါ.. ။ ဒီတစ်သက်လည်း ဘယ်သူမှ သိလိုက်ကြရမှာ မဟုတ်တော့ပါ။ မောင်ဘာဘာ့တစ်သက် မြတ်နိုးယုယစွာဖြင့် သည်ပန်းကလေးကို ရင်မှာပဲ ထာဝရ သိမ်းဆည်းထားလိုက်ပါတော့မည်ဟု … ဆုံးဖြတ်ရင်း… ။

မခံနိုင်သာ ကံကြမ္မာရယ်

တစ်ခါပြန်နှင်း တွေးကြည့်ရင်းက

ရှက်ခဲ့ရပြန်  ရင်မှာဟန်လုပ်

အပူထုတ်ကို သရုပ်ပီပီ

ကလေးချီရင်း အသက်သွင်းကာ

ပြန်တင်းခဲ့ရ သက်လျာမ ကို

ယုယချစ်ခင် သံယောဇဉ်တွေ

ပြန်မြင်ချက်ချင်း ရှိန်မပြင်းခင်

လက်မတင်လေး ထိမ်းသိမ်းပေးရ

မ သံယောဇဉ် .. အိမ်မှာတင်နေ

ငယ်မိတ်ဆွေကို ခင်လိုပိုကြောင်း

ပြီးအောင်ကျောင်းတက် ပြောခဲ့လျှက်သာ

စေတနာပို ပျော်စေလိုခဲ့

ရှက်ဖွယ်ဖြစ်အင် ငါ့စိတ်စဉ်ကို

ဘယ်ပုံသို့နှင်း ဘယ်လိုသွင်းလျှက်

ဘယ်မျက်ခွက်နဲ့ နေရပါ့ ။

မတတ်နိုင်ပါ ငြင်းဆန်ကာနဲ့

နေခဲ့တဲ့ရွာ ဘုန်းဆရာထူး

ရှိကျေးဇူနှင့် အထူးဦးခိုက်

ငြင်းဆန်လိုက်ရ ရင်ထဲကငို

ထိုအချစ်ပန်း မပွင့်လန်းအောင်

ဒီကောင့်ရင်ထဲ စဉ်မြဲထာဝရ

 သိမ်းပါရစေ ငယ်ကျွမ်းဆွေသို့.. ။

  ( kochitmoeswe@gmail.com  ရဲ့ ကိုယ်တိုင်ရေးဝတ္တုတို လေးတစ်ပုဒ်ပါ)